به گزارش پایگاه خبری تحلیلی ماسال، نبی الله حقیقت از شاعران فرهنگی استان گیلان به مناسبت میلاد آقا امام زمان (عج) یک شعر تالشی سروده است:
خیلی وَخته چِم برایمَه گولَه تا کینی پرای کَینی بو کع آوتاوی شی خری پشتی کو برای
گولَه باغون دیلَه کو نرگسه گول کارَم ترا تا اشتع عطری بدارع چَمَه ام باغ و سرا
همَه وان ایی تا گولینه باهاری پیدا نبو تع اگه پَیدا ببی دنیا همَه با هار آبو
تع بری تا اشتع اومنه بیوینم کع یا کو بو ایی تا گولینَنی سوزَه پرا همه جا کو َ
اقه جان باهار اشتن سوزی همه تکو گرع تَوداره دنیا اشتع پا قدَمینَه آسرع
گول اَگه عطرَه بو دارع اشتع عطری کو دارع والیوَه اشتع خونه گینع وارش ترا وارع
بلبلن اگَه خونون اشتع هوا دره خونون ام زمین و آسومون اشتع دَیاقی کو مونون
اشتع اومِنَه یقین دنیا همه آواد آبو هر اسیری شَیطونی بندی کو نی آزاد آبو
بری تا تاریکی و ظلماتَه شَو تمون آبو اشتع آوتاوَه چِمون ویندِنَه یا روشون آبو
چَمَه دنیا پورآبه ظلمینَه ده کَینی تع آی مالَه بَر کَه صاحیبی شاکی آبَه وَختَه کع بای
اَ کع پیله دزدیه اشترا ایی حکمی دارع پیله شیطونه و شیطونَه کارن اَی کو وارع
ایبلیسه شیطون الان کاری کوبر کنار آبه هده شیطون دریه چه شیطونی توار آبه
تازه شیطونی الان مردمی جانی دریه قلدره و زورینه اشترا خانی دریه
ب ری تع ام شیطونی دنیا کو آواره بکه آدمی را تع آرس چه دردی تع چاره بکه
گوسنده خلانه ورگن یا کو شون رمه دیله اَکع جایی کو الان پیدا نبو رمه دیله
تع بری وَرگی گوسندون خلا کو پَیدا بکَه همه را حق و ناحقی دیله کو سودا بکه
چمه دنیا آدمن ژه گندمی جا خرشن ایی پلَه نونی خونه اشتن اَ دنیا خرشن
اشتع جدی نومینه دین داره مردمی کشن اَ چرایی کع اشتع جدی آگته دکشن
آل سفیانی رو ام زمانه کو ایسپی آبه شتی کع سعودین خرشن همته آوه
وارشی شی مردمی سری الان بمب ویکرن شیعیون جنازه کوفی شی همه جا جیکرن
خون آبه اشتع شیعه دیل آخا کینی ده تع آی ذوالفقاری دس آگه ولّه کع وخته ده تع بای
اشتع ایی ایشارَنَه چَمَه جانی هَدیَه ورم اشتع پا بنی خاکی چَمَه چِمی سرمه کَرَم
انتهای پیام /
